Malikhain Mong Kamay

Ihip ng hanging pumapagaspas
Daloy ng tubig sa batis na kristal
Oyayi ng ina sa sanggol na nakahimlay
Awit na likas na likha ng Iyong kamay.

Sa bawat paggising sa umaga
Malikhain Mong kamay ang nasisilayan
Humahaplos ng banayad bilang hamog ng umaga
Sa lahat ng Iyong mga likha.

Kampay ng mga ibon, sa hangin ay sumasayaw
Kaway ng mga dahon sa pagpatak ng ulan
Duyan na kanlungan sa bawat pagal
Inaawitan ng iyong mga likha.