Hindi ko sigurado
Kung may bokasyon nga ako
Ang alam ko lang e may pagtugon ako
Sa isang pagtawag na narinig ko.
Kung bakit hindi ako sigurado
Sa aking bokasyon
Iyon ay dahil
Wala sa aking mga kamay
Ang katuparan nito
Tanging ang Dakilang Lumikha
Ang tanging nakakaalam
Kung kailan at saan ko matatanggap
Ang biyayang handog
Na regalong ito
Bagamat nagbabakasakali lamang
Kung aking masusumpungan
Nananatili pa rin ako
Sa kabila ng aking kahinaan
Kung sakaling hindi man mapasaakin ito
Mauunawaan ko rin sa bandang huli
Na ang aking biyayaya
Ay ang pagtugon at paghihintay
At sa susunod na aking hakbang
Na isa uling pagbabakasakali
Maaaring masumpungan ko na rin
Ang landas na aking tatahakin
Hindi ako naliligaw
Subalit hindi rin ako sigurado
Malabo man ang paglalakbay
Umaasa pa rin ako
Tanging sa habag at grasya lamang
Magkaroon ng ganap na katuparan
Ang buong buhay na katanungan ko
Na masasagot lamang
Sa oras ng aking kamatayan...
