Disyerto

itinuturing ko na parang 'hamog' 

ang nagtatapon sa akin ng pagtingin. 

kasi ako ang tuyong lupa

na sabik na sabik na maangkin (mahalin) 

ng sinomang hahaplos
ng banayad sa akin. 

kahit panandali lang 

at panakaw ang sandali ng paghamog ... 

ang alaala ng nakaraang mahamog na kadiliman 

ay laging nanariwa sa akin 

sa gitna ng nakakapasong sikat 

ng isang bagong umaga
sa tigang na lupa
na uhaw sa pagmamahal.




Den Mar