ang halik ng hamog
upang pupugin ng pananabik
ang nag-aalinlangang kahoy
dahan-dahang gumapang
sa gitna ng kadiliman
ang banayad na haplos
sa kagubatang tuyot
magkatalik sa buong magdamag
sa saliw ng himig ng kagubatan
sa katahimikan ng daigdig
kapwa puso ay nasaling
pagsapit ng umaga
mamaalam ang hamog
damong ligaw na nadiligan
mananabik sa kanyang ala-ala.
