Pagkabigo

malimit... ang pinakapangit nating ala-ala
ang lagi nating binabalikan
malamang...

iyon ay sa dahilang
hindi natin matanggap
na natalo ang ating sarili...

mas nanghihinayang tayo 

sa sandaling pagkakataong nawala

kaysa sa ngayon at bukas

na ating pinakakawalan

mas iniiyakan natin 

ang saglit na sandali

na matagal nang lumipas
at matagal nang naglaho

dahil patuloy tayong naaawa 

sa ating nabigong pagka-sarili

kung kaya 

hindi tayo makapagpatawad

at hindi natin mabura ang bakas

ng ating madilim na nakaraan

huwag mong hayaang

maging biktima ka ng kahapon

isang bahagi mo lang ang inagaw

buong pagkatao mo na ang nagluluksa?
huwag mong hangaring mamatay

kung ayaw mo nang mabuhay
manatili ka man lamang sana

para sa taong sa iyo ay nagmamahal.

Den Mar