Pasakit

Nung malakas ka pa
Pasakit ka na talaga
Halos lahat ng galaw ko
Pinaikot mo sa iyong mundo.

De-numero ang lahat
Sa oras na ikaw lang ang may hawak
Batas ang bawat sinabi mo
Sa tahanang sa iyo ay may takot.

Nung may sakit ka
Halos alilain mo ako
Lahat ng mapapait na salita
Tinanggap ko ng pikit-mata.

Ngayong namatay ka na
Ako'y inaalipin mo pa rin
Sa dami ng iyong habilin
Parang hindi ka rin nilibing...