Pamamaalam ni Lolo kay Lola

pamamaalam ni lolo kay lola

kung uulitin kong muli ang buhay ko
isa lang ang nais kong mangyari
yun ay yung muling makita kita sa unang pagkakataon
yun ay yung muling mahalin kita matapos ang maraming pagsubok
yun ay yung marinig ko ng paulit-ulit na mahal mo rin ako
at nung yakapin mo ako nung sumusuko na ako

ito yung nais kong gawing muli
kahit paulit-ulit
kahit pabalik-balik
hindi ako magsasawa
hindi ako magsisisi
dahil para sa akin
hindi sapat ang minsan
upang ikaw ay aking ibigin

aaminin ko sa iyo
kahit makailang beses pa
na nung minahal kita
kinalimutan ko na rin ang aking sarili
dahil ang alam ko mula noon
na para sa iyo, kung bakit ako humihinga
na para sa iyo, kung kaya ako ay nabubuhay

kaya lang... hindi ko magagawa ang nais ko
(na ulitin kong muli ang aking buhay)
dahil ang buhay ko ay may hangganan
dahil ang ating buhay ay may wakas
pero sa kabila ng lahat ng ito
ang naging pinakamahalaga para akin
ay yung nakasama kita
hanggang sa huling sandali ng aking buhay

"mahal na mahal kita"
ito ang lagi mong pakakatandaan
sumuko man ang aking buhay
pero hindi ang aking pagmamahal
lilisan ako sa daigdig
pero hindi ako mag-iisa
dahil babaunin ko
ang iyong matamis na ala-ala...

happy valentine's day. den mar