Pag-asa

kung minsan,
kinakailangan din palang makaranas tayo
ng pinakamatitinding sakit ng kalooban
at pasakit sa ating buhay...
upang maisulat natin ang ating pinakamagandang akda...
upang ganap na mabigyan ng kulay ang mga linya ng ating panulaan
at malapatan ng himig na dalisay na sasaliw sa tinatawag nating buhay...

at ang ating ngiti sa gitna ng ating mga pait na dinaranas...
ang magsisilbing tuldok upang isara ang nasaktang kabanata ng ating buhay...
isang pag-asa sa gitna ng agam-agam...
isang yayakaping pagpupunyagi
na magiging bakas ng ating paglaya....




Br. Dennis DC. Marquez, sSSS