Pagsulat

masarap sumulat ng buong laya
yung bang kahit duguin ka
sasabihin mo pa ring naarok mo
yung pinaka-rurok ng pagiging manunulat

walang linyang hangganan
walang tuldok sa bawat panulaan
walang ritmo... walang patutunguhan
kalayaan na may kabangagan

parang lumilipad sa kalawakan
habang nakikipaglaro sa hamog ng kaligayahan
nais mong yakapin pero hindi maaari
dahil maaari mo lamang itong palagpasin
at hayaan mong siya ay yakapin ka
upang managos sa iyong puso at kaluluwa

kaya nga masarap maging malaya 

dalisay mong nahahayag ang iyong nararamdaman
sa taong iniibig mo na kapwa nagmamahal sa iyo
kahit sa panulat... kahit sa salita
laging naroon ang malalim na pagmamahal
sa panitikang inaari kong buhay na gumagalaw....