Nasasaktan

Kapag tayo ay nasasaktan
Nagkakaroon tayo ng pagkakataon
Upang maunawaan natin
Ang sakit na nararanasan nang ating kapwa
Doon sumisibol ang pagkaunawa
At pakikibahagi
Sa pait na iniinda
At hirap na pinapasan
Nang ating kapwa

Sumisibol ang pagmamahal
Na bunga ng habag
Na nauuwi
Sa isang malalim na pakikipag-kaibigan

Lubos na nakikilala natin--
Ang ating mga sarili...

Ang ating mga pinanghahawakan sa buhay
Ay nadadarang
Sa matinding pagsubok
Nang pananampalataya
At prinsipyo sa buhay

Hanggang sa matanggap natin
Na ang lahat ng dagok sa ating buhay
Ay may malinaw na kadahilanan
At may hangganan
Patungo sa isang
Mas magandang hinaharap...




Br. Dennis DC. Marquez, sSSS