Akala ko ay malaya ako
Dahil kaya kong mag-isa
Kahit wala ka
Akala ko kaya kong lumigaya.
Akala ko...
Kalayaan ko na ang lumisan sa piling mo
Ang lumayo sa iyo dahil ako'y labis na nasaktan
Ang magparaya dahil ako'y nabigo.
Subalit ngayon ay hinahanap-hanap ka
Lalo pa't ngayong ako'y nag-iisa
Iniisip ang masayahin mong tinig
Habang natatabunan ng mga sumbat na aking huling narinig.
Akala ko'y minahal kita
Subalit ang minahal ko pala ay ang sarili ko lamang
Pinaikot ko ang iyong maliit na mundo sa aking makasariling palad
Habang hindi ko naisip na tinunaw ko pala ang isang tunay na ikaw.
No comments:
Post a Comment