Habang ako'y nasa tren...
Iniisip ko'y ikaw
Binabalik-balikan ko ang aking ala-ala
Na tila isang larawang nakaukit sa aking gunita...
Habang mabilis na umuusad ang tren...
Isa-isang nadaraanan ko ang mga lugar na ating sabay na pinuntahan
Habang dumidilim at nilalamon ng gabi ang paligid
Lalo akong nangungulila sapagkat wala ka na sa aking piling.
Habang bumabagtas ang tren sa bawat estasyon...
Sa mapaglarong liwanag na aking tinatahak na kalye at daan
Nagbabakasakali na ikaw ay muling masilayan
Kagaya noong una... noong una kitang makasabay.
No comments:
Post a Comment