Daing sa dilim
Inaalo ng iyong awit
Ang takot napapawi
Sa himig ng oyaying
Bumubukal sa iyong tinig.
Batid mo ang tuwa
At hangad ng puso ko
Pangungulila ko'y
Hinihilom ng iyong pag-ibig
Na nagmumula sa iyo, aking Inay.
Ang kanlungan mo ay ang langit ko
Ang bisig mo ay ang duyan kong
dahilan ng aking buhay
Ang pag-ibig mo ay ang yaman kong
nagbibigkis sa puso kong
Nananabik... sa piling mo.
