Marami sana akong nais sabihin
Matapos ng mahabang panahong hindi tayo nagkita
Kung dangan naman kasi, bigla akong nawala na parang bula
Iniwan kang naghahanap at umaasa pa sa aking muling pagbabalik.
Subalit ngayong ako'y nagbalik
Marami nang nabago...
Napatunayan ko mang may iba pala akong landas
May mga bagay palang hindi maaaring takasan...
Hanggang nagkita tayong muli...
Mata sa matang nagkatitigan lamang tayo
Sa iyong mga mata gumuhit ang mga luha
Habang naumid na tila pipi ang aking mga labi...
Wala kang sinabi
Wala man lamang ni isang salita ng galit o paninisi
Nung tinangka kong umiwas
Niyakap mo ako... nang buong higpit
Nang buong pananabik...ikinulong mo ako sa iyong bisig
Tila huminto ang oras... mahabang patlang
Hanggang sa matunaw ang aking puso...muling tumibok at nagkabuhay
Nagbalik muli ang lahat... natuto muli akong umibig...
No comments:
Post a Comment