Pagbabakasakali

Sa Iyong landas ako ay susunod
Kung Iyong mamarapatin
Kung pipiliin ang abang katulad ko
Tatahakin ko ang landas na tinahak Mo.

Aking namasid, dinanas mong pasakit
Sa bawat latay mo ang puso ko ay nagdadalamhati
Ang Iyong daing ay aking narinig
Kung maari lang Iyong krus ay kakanlungin.

Nais kong hilumin ang Iyong pait
Nais kong ibsan ang pait na likha ng sugat ng Iyong pag-ibig
Bawat pangaral na Iyong sinambit
Sa bawat landas, nais kong iparating...

Sa Iyong landas ako ay susunod

Kung Iyong mamarapatin

Kung pipiliin ang abang katulad ko

Tatahakin ko ang landas na tinahak ko.