Ngayong Araw

Ngayon ay bagong araw...

Kung kahapon, nagwakas ang nakaraan ng may kalungkutan
Ngayon, batiin natin ang bagong araw ng may bagong pagtingin
Palayain natin ang ating sarili mula sa madilim na bakas ng kahapon
Upang lumingon sa bagong ngayon ng may kalayaan at bagong pag-asa.

Wala ka namang kalilimutan mula sa nakaraan
Pagkat iyon ay bahagi ng iyong kasaysayan
Maging mapait man ito, o maligaya
Pawang ala-alang kayamanan sa puso mo nananahan.

Kundi...

Tayo ay magpapalaya lamang
Ng isang bahagi ng ating buhay
Upang mayakap natin ng buong-buo ang ngayon
Matapos nating mapatawad ang ating kahapon...


===
go to a recollection:
http://denmar1978.blogspot.com/2013/04/one-week-on-line-recollection.html

Br. Dennis DC. Marquez, sSSS