Gaya ng Dati

Saan ka man napunta
Nanatili akong nakasunod
Dinig ko ang bawat pagtangis mo.

Hindi ka man lumingon
Sa lahat ng pagtawag ko
Nanatili akong tapat sa piling mo.

Maaari bang ngayon ay huwag ka nang
Sa piling ko ay lumisan pa
Ituon ang iyong puso sa katulad ko

Huwag mangamba
Hinding-hindi ako magbabago
Nananatili akong tapat sa piling mo.

Kay'lan man hindi nagbago
Ang pag-ibig kong laan sa iyo
Hinihintay pa rin pagbabalik mo.

Iniwan mo man ako
Nanatili akong nakasunod
Upang luha mo'y patahanin ko.

Maaari ba ng buksan ang iyong mata
Ituon ang iyong buhay
Patungo sa landas ng katotohanan

Yakapin ang pagbabago
Na iyong iniiwasan
Tanggapin ang bagong hamon sa buhay mo.

Maaari bang ngayon ay huwag ka nang
Sa piling ko ay lumisan pa
Ituon ang iyong puso sa katulad ko.

Huwag mangamba
Hinding-hindi ako nagbabago
Nananatili akong tapat sa piling mo...

Gaya ng dati....