Siguro kung malakas lang ang loob ko
Masasabi kong maganda ka
Masusuyo ko ang kulay ng iyong labi...
bago ko ito mahalikan kung papayagan mo ako.
Mapupuri ko ang iyong ganda...
Mula sa iyong suot na damit
Hubog ng iyong katawan
Palamuting mapanghalina
Maging ang pusod ng iyong buhok...
Kaya lang...
May pumipigil sa silakbo ng damdamin na aking nadarama
Bukod sa pag-aalangan
Pipi din pala ang aking puso
Na kaya ko lamang palang sabihin
Ang lahat ng ito sa aking sarili
Dahil mas natatakot akong mapahiya
Kaysa magbakasakali sa pag-ibig mo.
No comments:
Post a Comment