Kahulugan

maaaring may mga bagay
na hindi pa maipaliwanag
pero hindi ito nangangahulugan
na wala itong halaga

Lahat ng mga bagay ay may kahulugan
Hindi ko man ito makita o maunawaan
Hindi ko hahadlangan ang iba
Na maging maligaya
Sa mga bagay
Na hindi ko namalas ang katuturan

May kahulugan ang lahat ng bagay
Hindi man ito maunawaan ngayon
Darating ang panahon
At may isip na kikilatis nito
Kung saan ang dalisay na pagpapakahulugan
Ay tila liwanag na bubulwak
Sa pagkasilang nito
Mula sa sinapupunan
Nang mga hindi pa maipaliwanag




Br. Dennis DC. Marquez, sSSS