Binasag ang aking katahimikan
Nang iyong tinig
Na dagling pumukaw
Sa aking nahihimlay na pandinig
Biglaan kang dumating
Tinanggap kita
Bilang ikaw
Kahit na
Hindi ako ang hinahanap mo
Pinilit kong
Pakisamahan ka
Dahil
Nirespeto kita bilang ikaw
Sa mahabang panahon
Itinuring mo akong
Hanapan ng mga nawawalang kapatid
Hinayaan ko lang iyon
Dahil
Inisip kong
Sa maliit na bagay na ito
Natutulungan kita
Napapasaya
Kahit na
Malinaw na malinaw
Na ginagamit mo lang ako
Hanggang
Pinagsawaan ka
Nang taong pinagkatiwalaan mo
Isinantabi ng hindi mo nababatid
Maraming beses
Sinubukan mong hanapin siya
Nang sabihin ko sa iyo ang katotohanan
Ako pa ang pinagdudahan mo
Ipinagkalat mo pa sa iba
Ang saloobin mo
Na nagbigay ng maling kahulugan
At nagpalala ng problema
Ngayon
Kailangan kitang iwan
Dahil sa ginawa mo
Hindi mo ako itinuring na kaibigan
Mula ng pinagdudahan mo
Ang katapatan ko
Mabuti pang manatili akong mag-isa
Sa halip na maging kaibigan pa kita
Ikaw na hindi sa akin rumespeto
Dahil hindi sa akin naniniwala
Dahil hindi ka sa akin nagpahalaga...
Br. Dennis DC. Marquez, sSSS
No comments:
Post a Comment