Mahal na Ina

Marami akong kinikimkim
Na pasaning mabigat sa aking balikat
Mga samu't-saring problema
Mga kabiguan
Mga takot
Mga hinanakit...

Lahat ng ito
Ay kulang pa
Upang isalaysay ko
Ang mahabang litanya
Ng mga bagay-bagay
Na gumulo
Sa kaibuturan
Nang aking puso
Nang aking nangangambang pagkatao

Itinataas ko sa iyo
Lahat-lahat ng mga bagay na ito
Kung saan
Katulad ng isang bata
Na nangungulila sa kanyang ina
Eto ako
Naninikluhod (on bended knees)ng buong pagpapakumbaba
Umiiyak na nagsusumbong
Upang hingin ang iyong tulong
Upang idulog mo kay Hesu-Kristo

Mahal na Ina
Manahan ka sa akin
Samahan mo ako sa aking pag-iisa
Upang ihatid patungo sa Iyong anak
Akayin mo ako patungo sa Kanya
Upang bigat ng aking pasanin
Ay angkinin Nya at balikatin...





===
go to a recollection:
http://denmar1978.blogspot.com/2013/04/one-week-on-line-recollection.html

Br. Dennis DC. Marquez, sSSS