Panginoon
Huwag mong hayaang
Mabihag ako ng anumang kariktan
O maakit sa mga bagay na kukupas at lilipas
Huwag mong hayaang
Masilaw ako ng aking kakayahan
Dahil ang lahat ng aking lakas
Ay sa iyo lang din nagmula
Huwag mong hayaang
Mahirati ako ng aking kahinaan
At sambahin sa aking kapwa
Ang mga bagay na kahanga-hanga
Pagkat ang lahat ng kagandahang
Iniibig ng aking puso
Ay pawang mga kaloobang
Sa iyo lamang nagmula
Huwag ko nawa itong ipagmagaling
Bagkus maging dahilan ng aking pagkaunawa
Huwag ko nawa itong angkinin
Bagkus ibahagi ko sa aking kapwa
Turuan mo ang aking puso
Maging mapagpasalamat sa Iyo
Kahit sa karukhaan
Mananatili ako
Pagkalooban mo po ako
Ng isang pusong bukas palad
Kung saan ang ibabahagi ko
Ay ang ang Hesu-Kristong iniibig ko...
===
go to a recollection:
http://denmar1978.blogspot.com/2013/04/one-week-on-line-recollection.html
Br. Dennis DC. Marquez, sSSS
