(nung ako ay nagtuturo pa sa isang pampublikong paaralan, ito ang ipinaskel ko sa pintuan ng aming silid aralan)
Ang silid aralan na ito
Bagamat salat sa mga bagay pang-kasanayan
Ay maging pandayan nawa
Nang kaaralang hindi maaaring agawin ‘nino man.
Dalisayin nawa ng Dakilang Hignubay
Ang bawat puso ng mga mag-aaral
Na nangangarap tumayog balang araw
Upang baguhin ang panlipunang kabuktutan.
Magsilbi nawang kanlungan ito
Nang mga pagal na sa pakikibaka
Para sa katotohanan at katarungan
Kung saan hihilumin ang sugatang kaluluwa.
Sa silid aralang ito
Mangingibabaw ang pag-ibig sa paglilingkod
Aalahanin ang mga bayaning humimlay na nakipaglaban
Para sa aming tinatamasa ngayong kalayaan.
Ang silid aralan na ito
Bagamat salat sa mga bagay pang-kasanayan
Ay maging pandayan nawa
Nang kaaralang hindi maaaring agawin ‘nino man.
2 comments:
Ano po ang kahulugan ng paskel?
Ano po ang kahulugan ng paskel?
Post a Comment