Paglisan

Wala akong tatalikdan liban sa aking kahinaan
Walang iiwanang kayamanan kundi karukhaan
Walang maihahandog kundi hapis na kaluluwa
Kadakilaan ng puso ko ay ang tanging katapatan.

Anong aking ibabalik kung lahat sa Iyo’y nagmula
Kundi aking kakulangan, tanging sa ‘Yo’y maiaalay
Nais kong magkunyapit sa Iyong banal na harapan
Gaya ng isang batang sabik mula sa pagkawalay sa Ama.

Lahat ng bigat ng aking puso’y sa iyo’y aking iluluha
Ihahabilin sa iyong mga palad mga minahal kong iniwan
Pangungulila ko’t pananabik ay punan ng kaligayahan
Sa kabila ng aking paglisan basbasan ang patutunguhan.

Tumahak man ako sa dakong hindi alintana
Ama, ako’y gabayan sa bawat landas na daraanan
Kung ako’y mapatirapa’y hanguin ng ‘Yong kabanalan
Hilumin sa ‘yong kanlungan, lahat ng aking pangamba.





===
go to a recollection:
http://denmar1978.blogspot.com/2013/04/one-week-on-line-recollection.html

Br. Dennis DC. Marquez, sSSS