Sa matagal ko nang pagsulat ng mga tula
Napansin kong
Unti-unting nawawala na ang pagkakatugma
Ng mga salita sa bawat saknong
Nang aking binibigyang buhay na mga tula
Subalit ang bawat linya
Bagamat hindi na maalindog gaya ng dati
Ay naging bukas na sa mas makataong sining
Gaya ng isang bata:
Makulay, mapaglaro at may kalayaan
Marahil sa mahabang panahon
Ang isip ko ay natuto nang ring makinig
At umibig sa totoong sinasabi
Nang aking puso na ngayon ay nasaling
Sa nagbibigay buhay na pag-ibig...
No comments:
Post a Comment