Marami akong hinahanap sa aking sarili
Mga bagay na wala
Kalimitan...
Nauuwi sa pagkainggit
At malimit: awa sa sarili
Habang ang iba
Ay payapang nahihimlay na sa gabi
Ako nama'y nananatiling gising
Upang piliting unawain
Ang mga laksang bagay
Na hindi maarok ng aking isip
Kasalanan ko bang mahina ako
Kumpara sa nakararami sa lipunan
Kasawian ba ang kalagayang ito
Dahilan ba upang kutyain ng aking kapwa
Mula sa isang taong mahina na tulad ko
Nais kong sabihing "ikaw ay mapalad"
Patawarin mo ako kung sakaling hindi agad kita maunawaan
Wala akong ibang intensyon kundi ang ibigin ka lamang...
Br. Dennis DC. Marquez, sSSS
No comments:
Post a Comment